ராஷி கண்ணா தென்னிந்திய சினிமாவில் மிகவும் விரும்பப்படும் நடிகைகளில் ஒருவராக உருவெடுத்துள்ளார்.
இவர் ஜான் ஆப்ரகாம் நடிப்பில் வெளியான பாலிவுட் படமான ‘மெட்ராஸ் கஃபே’ மூலம் சினிமாவில் தனது பயணத்தைத் தொடங்கினாலும், இப்போது அவர் தெலுங்கு, தமிழ் மற்றும் மலையாள மொழிகளில் பல்வேறு படங்களில் நடித்து தனது முத்திரையை பதித்துள்ளார்.
சன் டிவியில் நேரடி தொலைக்காட்சி வெளியீடு செய்யப்பட்ட விஜய் சேதுபதியின் ‘துக்ளக் தர்பார்’ படத்தில் கடைசியாக நடித்த ராஷி கண்ணா, அக்டோபர் 7 ஆம் தேதி அமேசான் பிரைம் வீடியோவில் பிரித்விராஜ் சுகுமாரனின் ‘பிரம்மம்’ மலையாள படத்தின் வெளியீட்டிற்காகவும், அக்டோபர் 14 ஆம் தேதி இவர் நடிப்பில் திரையரங்குகளில் வெளியாகும் ‘அரண்மனை 3 ‘ படத்தின் வெளியீட்டிற்காகவும் காத்திருக்கிறார்.
இன்ஸ்டாகிராமில் ரசிகர்களின் சில கேள்விகளுக்கு பதிலளித்த நடிகை ராஷி கண்ணா, தனது விருப்பமான நடிகர் மற்றும் நடிகை பற்றிய தகவல்களை பகிர்ந்து கொண்டார், வெவ்வேறு நட்சத்திரங்களுடன் பணிபுரியும் போது அது எப்படி இருந்தது மற்றும் அவரது டயட் விவரங்களை பகிர்ந்து கொண்டார். கோலிவுட்டில் இருந்து தனக்கு பிடித்த நடிகர் மற்றும் நடிகை யார் என்று ஒரு ரசிகர் கேட்டபோது, ’விஜய் மற்றும் நயன்தாரா’ என்று பதிலளித்தார். அவரது தாய் மொழி இந்தி என்றாலும், தனக்கு ஐந்து மொழிகள் தெரியும் என்றும் கூறினார்.
உங்களுடைய Boy Friend பெயர் என்ன என்று ஒரு ரசிகர் கேட்டபோது, ’எனக்கு இன்னும் ஒரு Boy Friend இல்லை. எனக்கு Boy Firend அமையும் போது, நான் நிச்சயமாக உனக்குச் சொல்வேன்’ என்று சாமர்த்தியமாக பதில் அளித்தார்.
ராஷி கண்ணா தற்போது தனுஷ் நடிப்பில் ‘திருச்சிற்றம்பலம்’, கார்த்தி நடிப்பில் ‘சர்தார் ‘ ஆகிய படங்களில் நடித்து வருகிறார்.
